“ბარსელონას” ლიდერმა და მსოფლიოს ერთ-ერთმა საუკეთესო ნახევარმცველმა, დეტალური გამოკვლევა ჩაიტარა.

ჩემპიონთა ლიგის მეშვიდე ტურში “სლავიასთან” 4:2 მოგებულ შეხვედრაში, პედრი, ტრავმის გამო 61-ე წუთზე შეიცვალა.

“მუნდო დეპორტივოს” ცნობით, ნახევამრცველს მარჯვენა ფეხის კუნთი აქვს დაჭიმული, თუმცა არა გაწყვეტილი, რის გამოც, 23 წლის ფეხბურთელი ძალიან ბევრსაც არ იუქმებს. გამოცემის ინფორმაციით, სრულფასოვანი დაბრუნება 4-5 კვირის ფარგლებშია მოსალოდნელი.

პედრისთვის ეს მიმდინარე სეზონში მიღებული მეორე ტრავმაა. აქამდე მან გარკვეული პერიოდი წვივის უკანა კუნთის დაზიანების გამო გამოტოვა. შარშან, პედრის, ასევე აწუხებდა კუნთის ტრავმები, 2021-22 წლების სეზონში კი საერთოდაც 100-ზე მეტი დღე იუქმა ფეხის კუნთის გაწყვეტის გამო.