9 წლიანი მანჩესტერული ცხოვრების შემდეგ მზიან კატალონიაში.
ბარსელონამ პრაქტიკულად დახურა 31 წლის პორტუგალიელი ნახევარმცველის, ბერნარდუ სილვას ტრანსფერი. როგორც ცნობილია, ფეხბურთელის პრეზენტაცია მსოფლიო ჩემპიონატამდე შედგება და მას გულშემატკივარს წარუდგენენ.
ბერნარდუს მანჩესტერ სიტიში კონტრაქტი ამოეწურა და გვარდიოლასთან ერთად დაემშვიდობა ეტიჰადს. შესაბამისად, შეზღუდული რესურსების მაგრამ დიდი პრესტიჟის მქონე ბარსელონამ პორტუგალიელი თავისთან წამოიყვანა და თან, გაცილებით დაბალი ანაზღაურების სანაცვლოდ. ახალი კონტრაქტის თანახმად, ბერნარდუ სილვა ბარსელონაში წლიურად დაახლოებით 8-9 მილიონ ევროს გამოიმუშავებს.
ბერნარდუს აქამდეც უთქვამს, რომ ბარსელონა მისი ოცნების გუნდი იყო. მისი გადაბირება ატლეტიკოსაც სურდა, გაცილებით უკეთესი პირობებით, მაგრამ პირადად ბერნარდუმ გადაწყვიტა ყველაფერი ბარსელონას სასარგებლოდ.
ამრიგად, ბერნარდუ სილვა ბარსელონას მეორე შენაძენად იქცა, ენტონი გორდონის შემდეგ, მაგრამ დიდი სხვაობით – გაცილებით დაბალი ანაზღაურებით, სრულიად უფასო ტრანსფერი და ამასთანავე, ბევრად დიდი კლასი და გამოცდილება.
