სენტ-ეტიენს იოლი გასეირნება გამოუვიდა.
საფრანგეთის ლიგა 2 უკვე 3 ტურია, რაც დაიწყო და ზურიკო დავითაშვილის სენტ-ეტიენი უდანაკარგოდ მიიწევს პირველ ადგილას. ამჯერად, გუნდმა გრენობლს უმასპინძლა და 4:0 გაანადგურა.
როგორც ჩანს, ზურიკოს გარშემო გავრცელებული სიახლეებისა და პრობლემების გამო მწვრთნელი დავითაშვილს ძირითად შემადგენლობაში არ ათამაშებს, ამჯერად კი მისი ჩართვა თამაშში 27-ე წუთზე მოუხდა. დანიელმა იაკობ ბრიუმმა ტრავმა მიიღო და ზუკა თამაშში მის ნაცვლად შევიდა, როცა სენტ-ეტიენი უკვე 2:0 იგებდა. არონ ჩშონგვაისა და ტიერნო ბალოს გატანილი გოლებით მასპინძლებს საქმე უკვე “მოგვარებული” ჰქონდათ. 45+3 წუთზე ირვინ კარდონას გატანილი გოლით ინტრიგა თითქმის მოკვდა.
მე-2 ტაიმი შედარებით უფრო მშვიდი გამოვიდა, მაგრამ მოტივირებულმა დავითაშვილმა გოლის გარეშე მოედანი არ დატოვა. 82-ე წუთზე მარცხნიდან ჩვეული დრიბლინგი წამოიღო, ბოაკისთან კედელი გაითამაშა და ეფექტური გოლით დაასრულა ეპიზოდი.
საბოლოოდ, ზუკამ საკმაოდ მაღალი, 8.1 შეფასება დაიმსახურა. აქამდე მისი შეფასება 7 ქულას არ გადასცდენია, რადგანაც სათანადო დრო არ ეძლეოდა. როცა მიიღო შანსი, იდეალურად გამოიყენა.
წარმატებები ზურიკო დავითაშვილს!
