ნაკრების ძირითადმა გამთამაშებელმა ცივსისხლიანობა გამოავლინა.

საკალათბურთო ჩემპიონთა ლიგის შესარჩევი ეტაპის პირველ რაუნდში საქართველოს მოქმედმა ჩემპიონმა, ბათუმმა შვეიცარიის ჩემპიონი, ფრიბურ ოლიმპიკი ძალიან მძიმე მატჩში 1 ქულით, 86:85 დაამარცხა.

ქართული გუნდი უპირატესობას მთელი მატჩის განმავლობაში ფლობდა, თუმცა მე-4 მეოთხედი დაძაბული გამოდგა და ბოლო შეტევამდე ანგარიში თანაბარიც კი იყო.

ბათუმს 17 ქულით, 10 შედეგიანი გადაცემითა და 2 მოხსნით საქართველოს ნაკრების გამთამაშებლის, გიორგი ოჩხიკიძემ ულიდერა. სწორედ ოჩხიკიძემ ჩააგდო მატჩის მიწურულს სამქულიანი იზოლაციიდან, როცა ანგარიში 83:83 იყო და მატჩის დასრულებამდე 21 წამი რჩებოდა.

ოჩხიკიძის გარდა ბათუმელთა რიგებში გამოირჩნენ 18 ქულითა და 7 მოხსნით ვალდი ზეფირი, 16 ქულა და 12 მოხსნა კარსონ ბეშამმა დააფიქსირა, 16 ქულა და 8 მოხსნა კი ლარი ჰოუელმა შეასრულა.

მომდევნო ეტაპზე ბათუმის მეტოქე რუმინულ ორადეასა და კვიპროსულ აეკ ლარნაკას წყვილში გამარჯვებული იქნება.

წარმატებები ბათუმს!