მოლაპარაკებებში მალდინი და ლეონარდო ჩაერთვნენ.
იტალიის საფეხბურთო ნაკრების ახალი ხელმძღვანელობა მთავარი მწვრთნელის დანიშვნას არ ჩქარობს და მზადაა სხვადასხვა ვარიანტი განიხილოს.
ინსაიდერ ჯანლუკა დი მარციოს ინფრომაციით, იტალიის საფეხბურთო ფედერაციის ახალმა ტექნიკურმა დირექტორმა, პაოლო მალდინიმ, ასევე მრჩეველმა, ლეონარდომ, უკვე ჩაატარეს პეპ გვარდიოლასთან რამდენიმე ოფიციალური შეხვედრა, სადაც, ინსაიდერის ინფორმაციით, სწორედ ნაკრების მთავარ მწვრთნელობაზე იყო საუბარი.
აქამდე, “სკუადრა აძურას” დამრიგებლის როლში მთავარ ფავირიტებად იტალიური პრესა კონტეს, მანჩინის და პირლოს განიხილავდა, ახლა კი მათ კატულუნიელი სპეციალისტიც დაემატა.
“სკაი იტალია” ასევე ადასტურებს ფედერაციის გვარდიოლასადმი ინტერესს, თუმცა მისი მთავარ მწვრთნელად დანიშვნის პერსპექტივას სკეპტიკურად, პეპის ფინანსური მოთხოვნებიდან,ასევე დიდ ფეხბურთში დაბრუნების სურვილიდან და სანაკრებო გამოცდილების არქონიდან გამომდინარე აფასებს.
