ჟოზეს დარწმუნების უნარმა და “სამეფო კლუბში” თამაშის პერსპექტივამ სილვას უფრო დიდ ანაზღაურებაზე ათქმევინა უარი.
პორტუგალიელი ნახევარმცველი, ბერნარდუ სილვა კარიერას რეალ მადრიდში გააგრძელებს. ესპანური მედიის ინფორმაციით, გამოცდილმა ნახევარმცველმა საბოლოო არჩევანი მადრიდული გრანდის სასარგებლოდ გააკეთა, მიუხედავად იმისა, რომ მის გადაბირებას აქტიურად ცდილობდნენ ბარსელონა და ატლეტიკო მადრიდი.
გავრცელებული ცნობებით, ატლეტიკო მადრიდი ფეხბურთელს უფრო მაღალ ხელფასსაც სთავაზობდა, თუმცა მოცემული პირობებით ბერნარდუს კარიერის გაგრძელება მხოლოდ სამეფო კლუბში სურდა.
31 წლის ფეხბურთელმა მანჩესტერ სიტი თავისუფალი აგენტის სტატუსით დატოვა, მის მიმართ ინტერესი კი არაერთმა ევროპულმა გრანდმა გამოხატა. საქმეში იუვენტუსი და ბენფიკაც იყვნენ, თუმცა მიუხედავად ამისა, თავად ბერნარდუ სილვასთვის ბარსელონა წლების განმავლობაში სასურველ მიმართულებად რჩებოდა. ცოტა ხნის წინ გავრცელდა კიდეც ინფორმაცია, რომ ბერნარდუ კარიერას ბარსელონაში გააგრძელებდა, მაგრამ როგორც ცნობილი გახდა, სწორედ ჟოზე მოურინიომ დაარწმუნა ბერნარდუ მის საჭიროებაში და პორტუგალიელმაც არჩევანი “სამეფო კლუბის” სასარგებლოდ გააკეთა.
ინფორმაციისთვის იმასაც გეტყვით, რომ რეალ მადრიდმა დენზელ დუმფრისისა და იბრაჰიმა კონატეს ტრანსფერები უკვე დახურა.
