სამწუხაროდ, გრაცის შტურმს უახლოეს ხანებში ერთ-ერთი ქართველი ლიდერი ვერ დაეხმარება.

როგორც ავტორიტეტული წყაროები ამბობენ, საქართველოს ნაკრებისა და გრაცის შტურმის ნახევარმცველი, გიზო მამაგეიშვილი ტრავმირებულია.

სამწუხაროდ, გიზიმ ჩრდილოეთ ირლანდიასთან ბელფასტში გამართულ მატჩში ტრავმა მიიღო და მოედნის დატოვება ნაადრევად მოუწია. როგორც შემდეგში გაირკვა, მამაგეიშვილს ტერფის ძვლის მოტეხილობა დაუდგინდა.

ამ მოცემულობით გამოვიდა, რომ გიზი 4-6 კვირის მანძილზე დაისვენებს და რეაბილიტაციას გაივლის, შემდეგ კი ჯერ სავარჯიშო, მერე კი სათამაშო მინდორსაც დაუბრუნდება.

სამწუხაროდ, ამ ტრავმიდან გამომდინარე ნოემბრის სანაკრებო მატჩებში გიზი მამაგეიშვილი საქართველოს ნაკრებს ვერ დაეხმარება. ამასთანავე, ტრავმირებულია ოთარ კიტეიშვილიც – შესაბამისად, გრაცის შტურმი ძალიან დაზარალდა, ვინაიდან ორივე ქართველი ლიდერი 1 თვეზე მეტი დროით დააკლდება.

წარმატებები და მალე გამოჯანმრთელება გიზი მამაგეიშვილს!