ალმათის ტუნრირი, ქართველისთვის, წარმატებულად დაიწყო.

ყაზახურ 250-იანზე, ნიკას, სამწუხაროდ, ისევ საკვალიფიკაციო ბარიერის დაძლევა უწევს. ბასილაშვილი, რომელიც შესარჩევ რაუნდში მეხუთე ნომრადაა განთესილი, პირველი მატჩში იაპონელ ტარო დანიელს დაუპირისპირდა და ორ სეტში – 6:2 7:5 დაამარცხა.

საათსა და 20 წუთს გაგრძელებულ შეხვედრაში, ნიკამ მეტოქეზე სამი ეისით მეტი შეასრულა, 4-ით მეტი ბრეიკპოინტი გამოიმუშავა და მთლიანობაში, საკმაოდ ხარისხიანი სტატისტიკაც დააფიქსირა.

აღსანიშნავია, რომ იაპონელი ჩოგბურთელი, ბასილაშვილისთვის ტურში ერთ-ერთ ყველაზე კომფორტულ მეტოქედ შეიძლება ჩაითვალოს. ოთხ ჩატარებულ ურთიერთშეხვედრაში, ნიკას სეტიც კი არ დაუთმია ტაროსთვის.

ძირითად ბადეში მოსახვედრად, ქართველი ჩოგბურთელი, უოლტონს დაუპირისპირდება. ავსტრალიელი მოთამაშე კვალიფიკიაციაზე მეორე ნომრადაა განთესილი. ეს მათი პირველი შეხვედრა იქნება.