კრიპტონიტის როლში გორის “ივერიონი” გამოვიდა.

ლეგენდარული ცენტრის, დვაიტ ჰოვარდის ქართულ კალათბურთში დებიუტი წარუმატებელი აღმოჩნდა. სახელგანთქმულმა კალათბურთელმა, 17 ნათამაშებ წუთში 12 ქულა, 7 მოხსნა და 3 ბლოკშოტი მიითვალა, თუმცა მისი გუნდი ხუთი ქულით 70:75 დამარცხდა.

გორელების მხრიდან, თავი უგრეხელიძემ გამოიჩინა, რომელმაც თავისი 12 ქულიდან თითქმის ყველა უკანასკნელ წუთებში მოიპოვა და მეტოქის დამარცხებაში დიდი როლი ითამაშა.

რაც შეეხება ბლექ ფორტრესს, “სუპერმენზე” უკეთესი თამაში ჰქონდათ დეონდრე რედიკს – 16 ქულა, 12 მოხსნა და 5 ასისტი, ასევე კალატოზიშვილს, რომლის აქტივში 18 ქულა, 14 მოხსნა და მატჩის უმაღლესი მარგი ქმედების კოეფიციენტი (24) იყო.

სუპერლიგის შემდეგ მატჩში, დიდების დარბაზის მომავალი წევრის გუნდი თსუ-ს დაუპირისპირდება.