ამერიკამ პლეი-ოფი გაინაღდა.

იმის შემდეგ, რაც მექსიკის ნაკრებმა, საპლეიოფო საგზური პირველმა მოიპოვა, ხოლო კანადამ ყატარისგან ქვა ქვაზე არ დატოვა, ჯგუფური ეტაპის მეორე წრე წარმატებული გამოდგა კიდევ ერთი მასპინძლისთვისაც. ამერიკის შეერთებული შტატების გუნდმა, ავსტრალიელები 2:0 დაამარცხა და 1/16-ის საგზურიც გაინაღდა.

მატჩის ბედი პირველსავე ტაიმში გადაწყდა – მე-11 წუთზე, ბერჯესის ავტოგოლით, ხოლო 43-ეზე ფრიმენის ზუსტი დარტყმით, მასპინძლებმა “კენგურუები” იოლად დაამარცხეს.

შედერად, D ჯგუფში, პოჩეტინოს გუნდი 6 ქულით პირველ ადგილზე იმყოფება. ავსტრალიას სამი ქულა აქვს, ხოლო თურქები და პარაგვაელები, ერთმანეთთან დაპირისპირებაში შეეცდებიან ტურნირის პირველი ქულები მოიპოვონ.

აღსანიშნავია, რომ პირველად 1930 წლის შემდეგ, ამერიკის შეერთებული შტატების ნაკრებმა მოახერხა მსოფლიოს ჩემპიონატებზე ზედიზედ ორი მატჩის მოგება. ამერიკელთათვის, ეს მეთორმეტე მუნდიალია.