„მარადონაზე“ ქართველის დატოვება სურთ.

სახელგანთქმული ინსაიდერის, ფაბრიციო რომანოს ინფორმაციით, „ნაპოლი“ მზადაა კვარაცხელიას ხელფასი გაუზარდოს.

ქართველს, იტალიელებთან, 2027 წლამდე მოქმედი კონტრაქტი აკავშირებს, რომლის მიხედვითაც, სხვადასხვა წყაროს მიხედვით, ის 6.1 მილიონ ევროს გამოიმუშავებს.

ცოტა ხნის წინ, გავრცელდა ინფორმაცია, რომ კონტე, დი ლორენცოსა და ხვიჩას ირგვლივ შექმნილი სიტუაციით გაღიაზიანებულია და თხოვს ხელმძღვანელობას, რაც შეიძლება მალე მოაგვაროს ამ ორი მოთამაშის პრობლემა, რათა გასახდელში სიტუაცია არ აირიოს.

რომანოს ცნობით, „პე-ეს-ჟე“ იძლევა იმაზე ნაკლებს, ვიდრე დე ლაურენტისს სურს რომ მიიღოს, მაგრამ ამავდროულად, ამ უკანასკნელს, ქართველის “ძალით” დატოვებაც არ უნდა, რადგან ასეთ დროს, უკმაყოფილო მოთამაშეების ხარისხი და მოტივაცია მკვეთრად ვარდება ხოლმე. მოქმედი კონტრაქტის შესაძლო გადაკეთება და ხელფასის მომატებაც სწორედ ამას შეიძლება უკავშირდებოდეს.