დოკმა ისევ მსხვილი თანხა გამოიმუშავა.
ინსაიდერ შემზ ჩანარიას ინფორმაციით, 64 წლის სპეციალისტი, “მილუოკიმ,” დაკავებული თანამდებობიდან რეგულარული სეზონის დასრულებისთანავე გაათავისუფლა.
აღინიშნება, რომ რივერსის ხელფასი სეზონში 11 მილიონის ფარგლებში შეადგენდა და ხელშეკრულება კიდევ სამ წელიწადს გულისხმობდა, შესაბამისად, დოკი გუნდიდან მსუყე კომპენსაციის სანაცვლოდ წავა. გარდა ამისა, “ფილადელფიადან” გამოშვების გამო კუთვნილი თანხა, მწვრთნელს დღემდე ერიცხება.
“ბაქსში” ყოფნის სამწლიანი მონაკვეთისას, რივერსმა გუნდი პლეიოფში ორჯერ გაიყვანა, თუმცა ორივეჯერ პირველ რაუნდში გამოვარდა. მიმდინარე სეზონში კი საერთოდაც ლიგაში ერთ-ერთი უარესი მაჩვენებელი 32:50-ზე დააფიქსირა.
რივერსის შემცვლელის როლში ფავორიტად ტეილორ ჯენკინსი განიხილება, რომელიც 6 სეზონის განმავლობაში “მემფისის” მთავარი მწვრთნელი იყო, იქამდე კი ასისტენტად სწორედ “მილუოკიში” მუშაობდა.
