უიღბლობა გრძელდება.

პრემიერ ლიგის 32-ე ტურში “სანდერლენდთან” 0:1 მარცხის და გასავარდნ ზონაში ჩაშვების შემდეგ, “დეზებს” კიდევ ერთი ცუდი ამბავი მოუვიდათ.

ინსაიდერ მარტინ არევალოს ინფორმაციით, გუნდის კაპიტანმა, კრისტიან რომერომ, მუხლის ტრავმა მიიღო და გაურკვეველი პერიოდით გამოვარდა.

ESPN ვარაუდობს, რომ არგენტინელის დაზიანება საკმაოდ სერიოზულია და მკურნალობაც 5-10 კვირას წაიღებს, რაც ფაქტობრივად ასრულებს მის საკლუბო სეზონს და კითხვის ნიშნის ქვეშ აყენებს რომეროს მსოფლიოს ჩემპიონატზე მონაწილეობას.

აღსანიშნავია, რომ არგენტინელი მცველის გარდა, “ტოტენჰემს”, ტრავმირებულთა სიაში ჰყავს გუნდის ლიდერები ჯეიმს მედისონი და დეიან კულუშევსკი, ასევე მუჰამედ კუდუსი და გულიელმო ვიკარიო.

გადამრჩენელ მეჩვიდმეტე ადგილზე მყოფ “ვესტ ჰემს”, დე ძერბის გუნდი ორი ქულით ჩამორჩება.