სინერმა საფრანგეთის ღია პირველობა დატოვა.

ხუან მანუელ სერუნდოლოსთან მეორე წრის დაპირისპირებაში, იტალიელი ჩოგბურთელი 3:6, 2:6, 1:5-ს იგებდა, როდესაც ჯანმრთელობასთან დაკავშირებული პრობლემები დაეწყო. იანიკმა, ჯერ მესამე სეტში გაანივა უზარმაზარი უპირატესობა, შემდეგ კი მეოთხე-მეხუთე პარტიები უბრძოლველად დათმო.

საბოლოოდ, მსოფლიოს 56-ე ჩოგანმა კარიერის უდიდესი გამარჯვება იზეიმა, შეხვედრა 3:6 2:6 7:5 6:2 6:1 მოიგო და რეიტინგის ლიდერიც პირველად დაამარცხა.

“გამარჯვებას იანიკი იმსახურებდა. ყველამ დავინახეთ როგორც განვითარდა მოვლენები, თანავუგრძნობ მას და უსწრაფეს გამოჯანმრთელებას ვუსურვებ.” განაცხადა არგენტინელმა მატჩის შემდეგ.

“საქმე ბოლომდე სიცხეში არ ყოფილა – ის ხელს ორივეს თანაბრად გვიშლიდა. თავს დილიდან ცუდად ვგრძნობდი და შეხვედრამდე მოხსნაზეც ვფიქრობდი. მატჩში სპეციალურად მოკლე გათამაშებებზე ვაკეთებდი აქცენტს, თუმცა მესამე სეტის ბოლოს ენერგიამ მთლიანად დამტოვა. ხუანმაც კარგად ითამაშა და გამარჯვებას ვულოცავ.” განაცხადა იტალიელმა შეხვედრის შემდგომ.

შედეგად, შეწყდა სინერის 30-მატჩიანი მოგებათა სერია. ასევე, იანიკმა დაკარგა ქულების დიდი რაოდენობა შარშანდელი ფინალის ვერ დაცვისთვის.

იმის მიზეზით, რომ ჯანმრთელობის პრობლემების გამო, ტურნირის ჯერ კიდევ სტარტამდე მოეხსნა ალკარასი, პირველად 2000 წლის შემდეგ, საფრანგეთის ღია პირველობის მესამე წრეში არ იქნება რეიტინგის ტოპ 2-ის წარმომადგენელი.

გარდა ამისა, პირველად 2023 წლის ამერიკის ღია პირველობის შემდეგ, დიდ სლემს მოიგებს ვინმე სხვა ალკარასის და სინერის გარდა.